CINEMO Mobil Film Festivalı – Azərbaycanda ilk mobil film festivalı

Mobil Film – mobil telefona çəkilmiş, ideyası, hekayəsi və süjet xətti olan filmdir. Mobiloqrafiya inkişafda olan bir sənayedir və müasir dövrümüzdə hər kəsdə olan mobil telefonların imkanlarından yararlanmaqla filmlərin istehsalını əlçatan edir. Müasir günümüzdə mobil telefonla çəkilmiş bədii filmlər hətta böyük kinoteatrlarda nümayişə çıxarılır, kassa toplayır. Sən də mobil telefonunla film çək, festivalda iştirak et və qalib ol! Qeyd: İştirakçıların qeydiyyatı və filmlərin qəbulu 31 yanvar 2024-cü il, saat 23:59-dək aparılır.

FESTİVALIN MƏQSƏDLƏRİ

gənclərin yaradıcı fəallığının dəstəklənməsi;
gənclər arasında mobil film istehsalının populyarlaşdırılması;
gənclərin mobil çəkiliş sahəsində biliklərinin artırılması;
istedadlı mobiloqraf və kinematoqrafların üzə çıxarlıması;
mobil filmin geniş imkanları vasitəsilə sosial dəyərlərin təbliği;
istedadlı gənclər arasında yaradıcı əlaqələrin qurulması.

NOMİNASİYA VƏ MÜKAFATLAR

Bədii film nominasiyası üzrə:
I yer – 2000 azn
II yer – 1500 azn
III yer – 1200 azn

Sənədli film nominasiyası üzrə:
I yer – 1500 azn
II yer – 1200 azn
III yer – 1000 azn

Sosial çarx nominasiyası üzrə:
I yer – 1200 azn
II yer – 1000 azn
III yer – 800 azn

İŞTİRAK ŞƏRTLƏRİ

festivalda arzu edən hər kəs iştirak edə bilər;
bir iştirakçı istənilən sayda film təqdim edə bilər;
bir iştirakçı fərqli nominasiyalar üzrə filmlər təqdim edə bilər;
bir film nominasiyalardan yalnız birinə təqdim edilə bilər;
film mobil telefon vasitəsilə çəkilməlidir;
filmin çəkilişi zamanı bir neçə mobil telefonla çəkiliş aparıla bilər;
filmin çəkilişi zamanı əlavə avadanlıqlardan: işıq, ronin, mikrofon və s. istifadə edilə bilər;
post-production zamanı kompüter və montaj proqramından istifadə edilə bilər;
film müəllifə ödəniş edilmədən festivalın rəsmi saytında və digər internet resurslarda yerləşdirilə bilər;
iştirakçı qeydiyyatdan keçməli və filmi fayl kimi göndərməlidir;
iştirakçı hər bir film üçün ayrıca qeydiyyatdan keçməlidir;
qeydiyyatdan keçmədən göndərilən filmlər festivala qəbul edilmir;
iştirakçı filmlə birlikdə Şəxsiyyət Vəsiqəsinin (hər iki üzünü) və əgər varsa Dövlət Sosial Sığorta Şəhadətnaməsinin surətlərini göndərilməlidir;
film, sübutlar və sənədlər festival2023@cinemoff.com email ünvanına wetransfer və s. kimi xidmətlər vasitəsilə göndərilməlidir;
iştirakçıların qeydiyyatı və filmlərin qəbulu 31 yanvar 2024-cü il, saat 23:59-dək aparılır.

MOBİL FİLMƏ TƏLƏBLƏR

xronometrajı:
– Bədii film: 5 dəqiqəyədək;
– Sənədli film: 10 dəqiqəyədək;
– Sosial çarx: 3 dəqiqəyədək.
formatı: .mov, .mp4;
minimal ekran ölçüsü: 1080p Full HD;
film horizontal formada – 16:9 nisbətində çəkilməlidir;
faylın adında filmin adı ilə yanaşı iştirakçının da adı qeyd edilməlidir. Məs.: “Sevgi-Tural Ismayilov.mp4”
film azərbaycan dilində olmadığı təqdirdə, azərbaycan dilində subtitrlər filmə əlavə olunmalıdır;
iştirakçı filmin öz müəllif işi olmasına, hər-hansı müəllif hüquqlarının pozulmamasına zəmanət verir və buna görə məsuliyyəti iştirakçı daşıyır;
filmdə Qanunvericiliyə zidd olan; dini, irqi, milli ayrıseçkiliyi təbliğ edən; senzuradan kənar ifadələri və pornoqrafik materialları əks etdirən məzmun qadağandır;
film üçün mobil telefona çəkilmiş videolar, screen-lər, çəkiliş arxası materiallar və s. sübutlar filmlə birlikdə təqdim edilməlidir.

MÜNSİFLƏR HEYƏTİ

Qarşılayın! Onlar sizin filmlərinizi qiymətləndirirlər.

Akademik Rus Dram Teatrının rejissoru, Azərbaycan Professional Kinorejissorlar Gildiyasının üzvü. “İlin ən yaxşı rejissoru” və “İlin ən yaxşı klipi” nominasiyalarında “Humay”, “İlin ən yaxşı klipi” nominasiyasında “Qrand”, “Ən yaxşı debüt” nominasiyasında “Qızıl Pəri” mükafatlarının sahibi.

Emin Mirabdullayev
Dərviş Prodüser Mərkəzinin direktoru, Azərbaycan Gənc Film İstehsalçıları Assosiasiyasının sədri, Cənubi Qafqaz Müstəqil Kinematoqrafçılar Assosiasiyasının həmtəsisçisi, “Fokus” analitik kino jurnalının naşirlərindən biri, Azərbaycan Kinematoqrafçılar İttifaqının katibi.

Əli İsa Cabbarov
9. Ruyeş Beynəlxalq Film Festivalının “Müsəlman ölkələri” proqramında baş mükafatı qazanmış “YOL” filminin rejissoru, prodüseri. “ŞEKSPIR”, “İSTIQLALİYYƏT” filmlərinin baş prodüseri. Müxtəlif Beynəlxalq Film Festivallarının münsifi. Baku International Short Film Festivalın və “ÖZ FİLM ”-in direktoru.

Fehruz Şamıyev
Aktrisa, prodüser. “SFN” film Production-ın təsisçisi, müxtəlif film və seriallarda aktrisa, “Simurq”, “Simurq 2”, “Vətəndaş A” filmlərinin, bir çox reklam və sosial çarxların prodüseri.

Sevinc Əliyeva
Kann Film Festivalının “Cinefondation Residency” ssenari inkişafı platformasına Azərbaycandan seçilmiş ilk layihə olan “Məhbus” tammetrajlı filminin müəllifi. İki ölkə Almaniya-Fransa istehsallı, ARTE ZDF və CNC tərəfindən dəstəklənmiş “Kinomexanikin qayıdışı” tammetrajlı docu-fiction janrında olan filmin rejissoru.

Orxan Ağazadə